طريقه عمل البيتزا

مقادير العجينه:3 كوب دقيق - 3 ملعقه كبيره زيت زيتون ولو مش موجود ممكن زيت دره - ملعقه سكر صغيره - نص ملعقه ملح صغيره - 2 ملعقه خميره صغيره - نص كوب لبن دافى " زى دمع العين " - بيضه
الخطوات:1-اول خطوه هنعملها اننا نحط ملعقه السكر وملعقتين الخميرة على نص كوب اللبن الدافى ونقلبهم ونسيبهم على جمب يخمرو
2:وفى الوقت ده هنروح للدقيق ونحط عليه نص ملعقه الملح و 3 ملاعق زيت الزيتون والبيضه
3:ونروح حاطيين7 نص كوب اللبن اللى عليه الخميرة والسكر عليهم ونعجن بقا
هنلاقى العجينه محتاجه لميه نبقا ساعتها نكمل بميه دافيه ونعجن لحد ما نلاقى العجينه بقت متماسكه وسابت من ايدينا
4:نمسح ايدينا بشويه زيت زيتون ونمشيها ع العجينه ونغطيها بفوطه ونسيبها فى مكان دافى تخمر لمده ساعه
ممكن لو حابيين اننا نستخدمهاولو هنستخدمها على طول هنقسم العجينه نصين لان الكميه دى تعمل 2 بيتزا كبيرة
فى وقت تانى نحفظها فى كيس ونشيلها فى التلاجه او فى الفريزر لو هتقعد اكتر من يوم
5:نيجى بقا لفرد العجينه اول حاجه هنعملها اننا ندهن الصينيه بشوية زيت صغيرين ونحط العجينه ونفردها بسمك واحد سنتيمتر
6:ونسيبها تخمر نص ساعه نكون جهزنا الحاجات اللى هنحطها ع الوش
الحشو : صلصه بيتزا - فلفل اخضر مكبب - زيتون - بصله - سجق او ممكن تونه او لحمه او لانشون او ممكن نسغنى عن كل ده ونكتفى بالخضار والجنبه لو حابيين انها تكون مارجريتا - جبنه موزاريلا او جبنه تركى
7:اول حاجه هنعملها للعجينه اللى فردناها اننا هنحط الصلصه الاول
وبعدين نحط الفلفل المكبب وبعد كده البصل وبعدين الزيتون والسجق او الحاجه اللى هنحبها وتكون عندنا
وندخلها الفرن وفى نص السوا بتاعها نطلعها ونحط الجبنه الموزاريلا والتركى
ونسيبها لحد ما تكمل سوا والجبنه تسيح وبنص العجينه التانيه فردتها بالمشابه وجبت كوبايه وعملت بيها دواير وبنفس الخطوات اللى فاتت عملتها
وياااا رب تجربوها وتعجبكم ان شاء الله
ومتنسوش تدعولى بقاااا وتدعو لمصر وكل المصريين بالخير

[center]